പകൽ സമയ യാത്രയ്ക്ക്, കോവിഡിന്‌ മുമ്പത്തെപ്പോലെ റിസർവേഷൻ ഇല്ലാത്ത സ്ലീപ്പർ ക്‌ളാസ് ടിക്കറ്റുകൾ നൽകാൻ റെയിൽവേ തീരുമാനിച്ചു. ഇതനുസരിച്ചു്, രാവിലെ 6നും രാത്രി 9നും ഇടയിലുള്ള യാത്രയ്ക്ക് സാധാരണ ടിക്കറ്റ് കൗണ്ടറിൽനിന്നും പഴയപോലെ സ്ലീപ്പർ ക്‌ളാസ് ടിക്കറ്റുകൾ നൽകുന്നതാണ്.
രാത്രി 9 മണിയ്ക്ക് മുമ്പ് യാത്ര അവസാനിയ്ക്കുന്ന ടിക്കറ്റുകൾ മാത്രമാണ് നൽകുക. വണ്ടിയിൽ ഒഴിവുണ്ടെങ്കിൽ മാത്രമേ യാത്രികന് സീറ്റ് ലഭിയ്ക്കുകയുള്ളൂ. ആ വിവരം രേഖപ്പെടുത്തിയായിരിയ്ക്കും ടിക്കറ്റുകൾ നൽകുക.
അത്തരം ടിക്കറ്റുകൾക്കായുള്ള യാത്രികരുടെ വർദ്ധിച്ചുവരുന്ന ആവശ്യവും ഓണക്കാലത്തെ തിരക്കും കണക്കിലെടുത്തു്, സെപ്തംബർ 1 മുതൽ ഈ സൗകര്യം പുനഃസ്ഥാപിയ്ക്കുവാനാണ് തീരുമാനം.
റിസർവേഷൻ ഇല്ലാത്ത സ്ലീപ്പർ ക്‌ളാസ് ടിക്കറ്റുകൾ തിരിച്ചു വരുന്നു
