പാര്‍ലമെന്റിന്റെ ബജറ്റ് സെഷനില്‍ ബിജെപി അദ്ധ്യക്ഷന്‍ അമിത് ഷാ രാജ്യസഭയിലെ കന്നിപ്രസംഗം നടത്താന്‍ ഒരുങ്ങുന്നു. രാജ്യമെമ്പാടും രാഷ്ട്രീയ വേദികളില്‍ അനവധി പ്രസംഗങ്ങള്‍ നടത്തിയിട്ടുണ്ടെങ്കിലും രാജ്യസഭയിലെ കന്നിപ്രസംഗം നടത്തുന്നതിന് അമിത് ഷാ വിദഗ്ദ്ധരുടെ പരിശീലനം തേടുന്നുണ്ടെന്നാണ് റിപ്പോര്‍ട്ട്. പ്രസംഗത്തിന് തയ്യാറെടുക്കാന്‍ ഷായുടെ ഓഫീസാണ് വിദഗ്ദ്ധരുടെ സേവനം തേടിയത്.
രാഷ്ട്രപതിയുടെ പ്രസംഗത്തെ കുറിച്ചുള്ള ചര്‍ച്ചയിലോ ബജറ്റിനെ കുറിച്ചുള്ള ചര്‍ച്ചയിലോ ഷാ പങ്കെടുക്കും. സര്‍ക്കാരിന്റെ പ്രവര്‍ത്തനങ്ങളെ കുറിച്ച് അറിയാമെങ്കിലും സാമ്പത്തക സര്‍വേ, നയങ്ങള്‍, നേട്ടങ്ങള്‍ തുടങ്ങിയവയെ കുറിച്ച് പ്രസംഗിക്കാന്‍ ഒരുങ്ങി തന്നെ പോകാനാണ് ഷായുടെ തീരുമാനം. കഴിഞ്ഞ ശീതകാല സമ്മേളനത്തില്‍ ജി എസ് ടി ബില്ലിനെ കുറിച്ചുള്ള ചര്‍ച്ചയില്‍ ഷാ പങ്കെടുക്കുമെന്ന് കരുതിയെങ്കിലും അതുണ്ടായില്ല.
വിശദമായി വായിക്കുന്നതിന് സന്ദര്‍ശിക്കുക: ദിപ്രിന്റ്.ഇന്‍
Comments are closed.