ഡേവിഡ് ജയിംസിന്റെ ശിഷ്യത്വത്തില്‍ കേരള ബ്ലാസ്റ്റേഴ്സിന് രണ്ടാം ജയം. ആരാധകര്‍ക്ക് പ്രതീക്ഷയുടെ പുതുനാമ്പുകള്‍ മുളപ്പിച്ച് ഒരു ഗോളിന് മുംബൈയെ തോല്‍പിച്ചു. കഴിഞ്ഞ കളിയില്‍ ഹാട്രിക് അടിച്ച് ടീമിനെ വിജയിപ്പിച്ച ഹ്യൂം തന്നെയാണ് ബ്ലാസ്റ്റേഴ്‌സിനെ വിജയിപ്പിച്ചത്.
ഈ വിജയത്തോടെ അത്‌ലറ്റിക്കോയെ പിന്തള്ളി പോയിന്റ് പട്ടികയില്‍ ആറാം സ്ഥാനത്തേക്ക് കയറാനും ബ്ലാസ്റ്റേഴ്സിന് കഴിഞ്ഞു. ഇപ്പോള്‍ പത്ത് കളികളില്‍ നിന്ന് 14 പോയിന്റുകളാണ് ബ്ലാസ്റ്റേഴ്‌സിന്റെ അക്കൗണ്ടിലുള്ളത്.
23-ാം മിനിട്ടിലാണ് ഹ്യൂം വിജയഗോളടിച്ചത്. അത്യന്തം നാടകീയമായിരുന്നു ഗോള്‍. സിഫിനിയോസിനെ ഫൗള്‍ ചെയ്തതിന് ലഭിച്ച കിക്ക് മുംബൈക്കാര്‍ തടയാന്‍ ഒരുങ്ങുന്നതിന് മുമ്പ് തന്നെ പെക്യുസന്‍ ഹ്യൂമിന് തട്ടികൊടുത്തു. എന്താണ് സംഭവിക്കുന്നത് എന്ന് തിരിച്ചറിയും മുമ്പ് ഹ്യൂം പന്ത് വലയിലാക്കി.
വിശദമായി വായിക്കുന്നതിന് സന്ദര്‍ശിക്കുക: മാതൃഭൂമി.കോം
Comments are closed.